चिपळूण/लोकनिर्माण(ओंकार रेळेकर)
सध्या झी मराठीवर गाजत असलेल्या 'देव माणूस' या मालिकेमध्ये गुरुवार दि. ९पासून चिपळूणची सुकन्या, डीबीजे महाविद्यालयाची माजी विद्यार्थिनी ऐश्वर्या प्रकाश नागेश ही एका मुख्य भूमिकेत दिसणार आहे. ऐश्वर्या नागेश हिने वक्तृत्व, कथाकथन, चित्रकला, रांगोळी अशा विविध स्पर्धांमध्ये आजवर यश मिळवले आहे. एसटी महामंडळातील निवृत्त वाहतूक निरीक्षक प्रकाश नागेश यांची ती कन्या आहे. सध्या ती एएलएसजी कॉलेज, कुर्ला येथे मास मीडियाचे शिक्षण घेत आहे. शाळेत असताना तिने सर्वोत्तम मानला जाणारा चतुरंगचा विद्यार्थी गोडबोले पुरस्कार मिळविला होता. यापूर्वी तिने अनेक एकांकिका, शॉर्ट फिल्ममधून अभिनय केला आहे. तसेच सह्याद्री वरील 'भ्रमंती महाराष्ट्राची या कार्यक्रमातही तिने निवेदन केले आहे. 'असंही घडू शकतं' हे नाटकही तिने केले असून आता ती 'देव माणूस' या मालिकेतून दिसणार आहे. ही मालिका रात्री १०.३० वाजता झी मराठीवर प्रेक्षकांना पाहता येणार आहे.
