धारपवार बांधवभेट व विविध स्पर्धांचा बक्षीस वितरण संपन्न
राजापूर / प्रतिनिधी
तालुक्यातील केळवली श्री देवी महालक्ष्मी मंदीर येथे क्षत्रिय धारपवार चॅरिटेबल संस्थेच्या दिनदर्शिका प्रकाशन सोहळा व विविध स्पर्धांचा बक्षिस वितरण सोहळा संस्थेचे संस्थापक अध्यक्ष ॲड . राजन पवार यांच्या अध्यक्षतेखाली पार पडला.
केळवली येथील धारपवार बांधवांच्या श्री देवी महालक्ष्मी मंदीर येथे बुधवार दिनांक ६ डिसेंबर २०२३ रोजी केळवली येथील धारपवार बांधवांचा बांधवभेट कार्यक्रम आयोजित करण्यात आला होता . यावेळी क्षत्रिय धारपवार चॅरिटेबल संस्थेच्या दिनदर्शिकेचे प्रकाशन करण्यात आले . राजापूर तालुक्यातील केळवली या गावात सर्वाधिक धार पवार कुटुंबे राहत आहेत . तर याच कार्यक्रमात संस्थेच्या वतीने घेण्यात आलेल्या गणेश सजावत स्पर्धा , माझी गौराइ स्पर्धा व रांगोळी स्पर्धा यांचा बक्षीस वितरण सोहळाही पार पडला .
केळवली येथील या बांधव भेट मेळाव्यात संस्थेचे इतिहास संकलक संतोष (सनीदादा ) पवार यानी पवार घराण्याचा संपुर्ण इतिहास सर्वांसमोर मांडला. पवार घराण्याची उत्पती , सम्राट राजा विक्रमादित्य व राजा भोज यांच्या कालखंडातील तेजस्वी इतिहास संतोष पवार यानी उपस्थितांसमोर मांडला . तर क्षत्रिय धार पवार संस्थेचे रत्नागिरी उपाध्यक्ष व सिंधुदुर्ग जिल्हा समंवयक तुषार विश्वासराव यानी पवार - ठोसर याबबतचा इतिहास मांडताना मुळ पवार ठोसर कसे झाले याबाबतची माहिती उपस्थिताना दिली .
क्षत्रिय धारपवार चॅरिटेबल संस्थेचे सचिव अविनाश पवार व अध्यक्ष ॲड . राजन पवार यानी उपस्थिताना संस्थेच्या कार्याची माहिती दिली . या कार्यक्रम प्रसंगी क्षत्रिय धारपवार चॅरिटेबल संस्थेचे अध्यक्ष ॲड . राजन पवार , सचिव अविनाश पवार , कार्याध्यक्ष सचिन पवार , खजिनदार विकास पवार ,रत्नागिरी जिल्हाध्यक्ष सुरज पवार , रत्नागिरी जिल्हा उपाध्यक्ष तुषार विश्वासराव , राजापूर तालुकाध्यक्ष विनोद पवार , गणेश बने , अनिल दळवी , रघुनाथ पवार , इतिहासप्रमुख संतोष पवार , राजापूर पंचायत समितीचे माजी सदस्य बाजीराव विश्वासराव ,वैभववाडी सिंधुदुर्ग येथील दिपक पवार , केळवली येथील महालक्ष्मी मंदिराचे प्रमुख मानकरी लहु पवार , जनार्दन पवार , मनोहर पवार तसेच माजी सरपंच रमेश ठोसर , सुरेश पवार , मनोहर पवार , धोंडु पवार , राजाराम पवार , गजानन पवार, प्रकाध यशवंत पवार ( गुरुजी) , विनोद पवार (पाचल ) व केळवली येथील धारपवार कुटूंबातील महिला वर्गासह अनेक ग्रामस्थ उपस्थित होते . या कार्यक्रमाचे सुत्रसंचालन प्रकाश यशवंत पवार यानी केले.
