कोरोना आता तू जा ना ! सुप्रसिद्ध कवी आणि राज्य शासन पुरस्कार विजेते राष्ट्रपाल सावंत

तुझ्या येण्याने येण्याने 
मनशांती ही मिळेना 
स्वास्थ्य बिघडून गेले 
कोरोना आता तू जा ना !

कसा निर्माण झालास  
झटकन रे वाढला 
दहशत फार झाली 
घोर जगाला पडला .
तुझ्या येण्याने येण्याने Sss 

शाळा कॉलेजला सुट्टी 
काम धंदा सारे बंद 
फिरण्या चालण्याला तू 
घातलेस रे  निर्बंध .
तुझ्या येण्याने येण्याने Sss 

झोप नाहीच कुणाला 
वाटे चिंता प्रशासना 
अहोरात्र जागूनीया 
सज्ज आहे रे यंत्रणा .
तुझ्या येण्याने येण्याने Ssss 

जीव मुठीत घेऊन 
माणूस वावरतोय 
जगू दे ना रे आम्हांला 
विनवणी करतोय .
तुझ्या येण्याने येण्याने Sssss 

कैक आल्या साथी इथं 
भिती नव्हतीच  कुणा 
हाक ऐक या जगाची 
आल्या पाऊली  तू जा ना !

तुझ्या येण्याने येण्याने 
मनशांती ही मिळेना 
स्वास्थ्य बिघडून गेले 
कोरोना आता तू जा ना .

🙏🏻🙏🏻🙏🏻🙏🏻🙏🏻

©राष्ट्रपाल भा .सावंत 
9403144356
सदर काव्य हे जनजागृतीसाठी आहे.काव्यात फेरफार करुन फॉरवर्ड करू नये  🙏🏻कोणत्याही अफवावर विश्वास न ठेवता प्रशासनाला आणि एकमेकास सहकार्य करा 🙏🏻स्वतः सह इतरांचीही काळजी घ्या 🙏🏻🙏🏻