पुणे /लोकनिर्माण (विनायक दोरगे)
पोलीस अधीक्षक डाॅ.अभिनव देशमुख. पुणे ग्रामीण यांचे आदेशाने रेकॉर्डवरील फरारी आरोपी पकडणेकामी विशेष मोहिम राबवित असताना आज दिनांक ०२/१०/२०२० रोजी पुणे ग्रामीण LCB टिमला मिळालेल्या बातमीवरून *मुरगुड पोलीस स्टेशन जिल्हा कोल्हापूर गु.र.नं. १७/१९९१ व १९/१९९१ भा. द.वि. कलम ३९५,३९७* या दोन दरोडयाच्या गुन्हयातील रेकॉर्डवरील असलेले २९ वर्षापासून फरारी आरोपी
१)काळ्या उर्फ दामू बरोट्या नानावत
वय ५९ रा.यवत इंदिरानगर ता.दौंड जि.पुणे
२) अरविंद उर्फ सेनीर रामलाल राजपूत वय ५८ रा.दत्तवाडी. उरूळी कांचन ता. हवेली जि.पुणे यांना उरुळीकांचन येथून ताब्यात घेण्यात आलेले आहे. मिळालेल्या माहितीनुसार दोघेही ह्या भागात अनेक वर्ष नाव बदलून राहत होते. तसेच आतंरराज्यीय कुख्यात गुन्हेगार ज्वालासिंग टोळीचे दोघे आरोपी सदस्य असल्याचे समजत आहे. सदर आरोपींची वैद्यकिय तपासणी करुन मुरगुड पोलीस स्टेशन जिल्हा कोल्हापूर पोलीस स्टेशनचे ताब्यात देण्यात येत आहे.
सदरची कामगिरी स्थानिक गुन्हे शाखेचे पोलीस निरीक्षक पद्माकर घनवट यांचे मार्गदर्शनाखाली पो.हवा. महेश गायकवाड, निलेश कदम ,सुभाष राऊत, गुरू गायकवाड, विदयाधर निचित, प्रमोद नवले यांनी केलेली आहे.
ह्याआधी ही पुणे ग्रामीण LCB पथकाने वरिष्ठ पोलिस निरीक्षक श्री पद्माकर घनवट यांच्या मार्गदर्शनाखाली अभिमानास्पद कामगिरी करत मोठ मोठे गुन्हे व गुन्हेगार यांचा छडा लावला आहे .
